NON
Si dixese que sí,
que todo está moi ben,
que o mundo está moi bon,
que cada quén é quén…
Conformidá.
Ademiración.
Calar, calar, calar,
e moita precaución.
Si dixese que acaso
as cousas son esí,
porque sí,
veleí,
e non lle demos voltas.
(Si aquíl está enriba
i aquíl outro debaixo
é por culpa da vida.
Si algunhos van de porta en porta
cun saco de cinzas ás costas
é porque son unhos docas).
Si dixera que sí…
Entón será o intre
de falar seriamente
da batalla de froles
nas festas do patrón.
Pero non.
